L’omaç a Lucio Dalla al rive a Çarvignan

La stagjon musicâl dal Teatri “Pasolini” di Çarvignan par cure di Euritmica e va indevant martars ai 18 cun “La sera dei miracoli” (La sere dai miracui), un omaç ae storie, ae vite e aes cjançons di Lucio Dalla. Un spetacul speciâl par rivivi la storie musicâl di un dai autôrs plui grancj dal nestri secul, interpretât de vôs potente di Lorenzo Campani, za cognossût pal so rûl in “Notre Dame de Paris” di Riccardo Cocciante e pe sô partecipazion “a The Voice of Italy”. Il spetacul al è daûr a afermâsi intai teatris tant che il tribût plui autorevul ator a un cjantautôr e musicist di talent straordenari, che cu lis sôs cjançons al à contât storiis di vite cuotidiane e temis universâi. (A.I.) – 17.02.2025