L’omaç a Strauss di une orchestre francese

Par celebrâ il gnûf an cu la grande musiche, il Teatri “Verdi” di Pordenon al presente lunis ai 13 aes 8.30 sot sere un avigniment musicâl di no podê pierdi, che al fâs imerzi il public intes atmosferis incjantadis dai salons dorâts de Viene de fin dal Votcent. Sul palc, pe prime volte a Pordenon, il grup sinfonic di innomine internazionâl Orchestre des Champs-Elysées, specializade inte esecuzion di musiche dal periodi classic e romantic cun struments di epoche, il so diretôr, il flamant Philippe Herreweghe, e la vôs di Judith Spiesser che a incjantaran cuntun grant conciert sui aiars dai innomenâts valzs vienês di Strauss fint aes oparetis di Lehár. Ancje parcè che il 2025 al è l’an dal bicentenari de nassite di Johann Strauss II.  (A.I.) – 13.01.2025