62
Ce sucedial inte vite di une famee in aparence perfete cuant che al rive un zovin forest che al mande in curtcircuit ogni element singul dal sisteme? Dopo i batimans pal esordi al festival di Tribeca e la anteprime taliane tal Cine Festival di Triest, “Family Therapy” de regjiste slovene Sonja Prosenc al rive par trê dîs tal Visionario di Udin e li dal Cinemazero di Pordenon, di lunis ai 10 fint a miercus ai 12, inte suaze de rassegne di cine sloven in F-Vj fate in colaborazion cul Kinoatelje di Gurize. Zirât cuasi dut inte nestre regjon cu la poie dal Fonts pal Audiovisîf dal F-Vj e de Film Commission, “Family Therapy” al conte une famee di “milocs” slovens che e je a stâ intune grande cjase di veri. (A.I.) – 10.02.2025
