Lui e Jê: il teatri dal assurt fat di doi comics

Une des cubiis comichis plui preseadis dal spetacul talian, chê fate di Corrado Nuzzo e Maria Di Biase, e je ospite dal circuit dal ERT cuntun piçule opare mestre dal Teatri dal Assurt. “Delirio a due” (Deliri a doi) al è il titul dal test di Eugène Ionesco in sene joibe ai 11 li dal Teatri Benois De Cecco di Codroip: serade che e recupare il spetacul previodût ai 18 di Fevrâr e che al jere za dut plen. Scrite intal 1962, innomenade in Italie cinc agns plui tart ancje par une version televisive interpretade di Renato Rascel, la comedie e je il domini dal paradòs, dal grotesc e de barufe indurante jenfri Lui e Jê. (A.I.) – 10.04.2024

Foto di M. Alessi