Luigi Garzoni e la sô produzion mancul cognossude: chê culte

Il Teatri “Candoni” di Tumieç al ospite sabide ai 7 il conciert in omaç a Luigi Garzoni, inmaneât e proponût a jentrade libare inte suaze dal progjet “Luigi Garzoni: l’om, l’artist, l’inteletuâl”, par cure dal Comun di Cjassà. Chest apontament musicâl al viôt protagoniscj la FVG Orchestra direte di Paolo Paroni, il pianist furlan Matteo Bevilacqua e la zovine compositore Maria Beatrice Orlando. Il program de serade al à al centri la figure di Luigi Garzoni di Adorgnan, compositôr poliedric e inteletuâl rafinât, valorizant une part mancul cognossude de sô produzion musicâl: chê culte e academiche, che si met dongje de sô plui famose opare popolâr. (A.I.) – 06.12.2024