Maçalizi: il public dut intor dai atôrs

Al torne a teatri “Maçalizi”, gjavât de comedie de francese Yasmina Reza “Il diu dal maçalizi”, fate deventâ innomenade dal cine “Carnage” di Roman Polànski. La produzion CSS – Teatri stabil di inovazion dal F-Vj, Mittelfest e Arlef – Agjenzie Regjonâl pe Lenghe Furlane, voltade di William Cisilino e Michele Calligaris, e rive al Teatri Comunâl di Cormons dai 5 ai 7 di Mai. La regjie a cuatri mans di Fabrizio Arcuri e Rita Maffei e je rimetude ae interpretazion di Fabiano Fantini, Massimo Somaglino, Aida Talliente e de stesse Maffei, che a recitin dentri di un tinel ricreât intune scjaipule di veri, cui spetatôrs sentâts tor ator. (A.I.) – 04.05.2023