Marco Paolini al fevele dai nestris ‘vons’ a Gurize

Miercus ai 10, li dal Kulturni Dom di Gurize, pal festival “Frattempi”, al rive un gjeni assolût dal teatri talian, pe origjinalitât e pe fuarce espressive che al dopre par lâ insot di temis, contrascj e discomuts dal nestri vivi civîl. “Antenati” al è un spetacul leât al progjet “La fabbrica del mondo” e, dopo vê fevelât di atoms e bateris, al ripasse la evoluzion de nestre specie traviers l’incuintri imagjinât cui nonos dai nonos, cu lis vot mil gjenerazions che nus coleghin ai nestris progjenitôrs comuns, chel piçul nucli african di dulà che a vegnin ducj i abitants dal planet de nestre specie. (A.I.) – 09.05.2023