Cui che al è nassût dal 1946 al 1964 al è un clamât ‘boomer’. La peraule e rive dal fenomen dal “piçul bum”, la impenade de natalitât sucedude in chei agns. “Boomers” al è ancje il titul dal gnûf lavôr di Marco Paolini, che al sarà ospit dal Ert, martars 14 al Teatri Modena di Palme e vinars ai 17 li dal Auditorium Aldo Moro di Cordenons, dulà che il spetacul al è za dut esaurît in prevendite. Paolini, compagnât sul palc di Patrizia Laquidara, al voleve fâ l’ultin cjapitul dai siei “Album”, une schirie di spetacui che a contin i talians di provincie dai agns Sessante. Invezit, il test al è deventât la storie di un om che si cjate fûr a vê 20 agns intun videozûc ambientât intun bar di perifarie, par contâ une gjenerazion che e à vût un impat pesant sul planet, sedi in tiermins ecologjics che tecnologjics e economics. (A.I.) – 13.11.2023
Foto di Gianluca Moretto
