Marilyn pai ultins dîs de mostre su la agjenzie Magnum

Avigniments speciâi pai ultins dîs de mostre “Magnum sul set”, dedicade ai voi dai grancj fotografs parsore des stelis di Hollywood, vierte fint a domenie ai 8 inte Galarie Bertoia, dal vinars ae domenie. Par imerzisi a plen intal incjant des imagjins de famose agjenzie metudis in mostre – il “daûr lis cuintis” dai sets cinematografics e i fûr de sene dai grancj di Hollywood Charlie Chaplin, Billy Wilder e Marilyn Monroe, James Dean, Elizabeth Taylor e Katharine Hepburn… – a son previodudis visitis vuidadis, e no dome. Martars ai 3 aes 6.30 di dopomisdì, a Cinemazero, al sarà proietât l’innomenât cine “Quando la moglie è in vacanza” dal 1955, diret di Billy Wilder e cun protagoniste Marilyn Monroe. (A.I.) – 02.12.2024