Mauro Ferrari, un sienziât imprestât ae musiche

Si pues fevelâ di nanotecnologjiis e tumôrs ancje traviers il lengaç universâl dal jazz: e je la propueste origjinâl e apassionante di Mauro Ferrari, impegnât di agns inte ricercje su lis nanotecnologjiis, cu la cjantante Barbara Errico e il pianist Mauro Costantini in “Jazzfinitamente…, NanoMedicalBlues”. Un avigniment unic fra sience, scriture e notis, domenie ai 25 al agriturisim La di Morson a Cjamin di Codroip. Protagonist di une lungje cariere in Americhe, Ferrari, saxofonist par passion, al à publicât di pôc il libri “Infinitamente piccolo, infinitamente grande”. (A.I.) – 23.06.2023
Foto di L. d’Agostino