Mirabella al conte la sô vite tal festival intai parcs

Cuntun grant protagonist de sene taliane, il condutôr televisîf e radiofonic, autôr, atôr e regjist Michele Mirabella, vinars ai 28 di Jugn e rive dongje Cividât la rassegne “Palcs intai Parcs”. La manifestazion itinerante, ideade dal Servizi forestis e Cuarp forestâl de Regjon, sot de direzion artistiche e organizative de Fondazion “Luigi Bon”, e presente tal Bosc Romagn il prin dai apontaments realizâts in colaborazion cu la associazion Mittelfest: “Curriculum… è intelligente ma non si applica”. De memorie di Mirabella, dut di bessôl, a laran fûr incuintris, episodis, viaçs, malinconiis, passions e ridadis di une esistence dute zuiade tra art, studi e lis breis dal palc. (A.I.) – 27.06.2024