Molino Rosenkranz, dîs agns di teatri pai zovins

Un pas daûr di chel altri, une sodisfazion daûr di chê altre. Inmaneade di Molino Rosenkranz, la rassegne “Fila a Teatro” di teatri pai zovins e i fruts e je rivade a 10 edizions. Daspò dal sucès de sezion estive (“… sot dai arbui e intai parcs”) cun plui di 1.200 spetatôrs, la rassegne e jentre intai teatris dai comuns di Otubar a Març, contant 15 spetacui simpri di domenie, cun 8 primis regjonâls e produzions che a àn vût premis e menzons speciâls. Si tache domenie ai 13 di Otubar, aes 4.30 dopomisdì li de sale “Vittoria” di Feagne cu la prime regjonâl di “Con la testa tra le nuvole” (Cul cjâf tai nûi). (A.I.) – 12.10.2024