Mozart “e contors”: ultin conciert a Orsarie

Grant sucès pe tierce edizion di “Mozart e dintorni” (“Mozart e contors”), che si siere vinars ai 11 di Otubar tal TeatrOrsaria di Premariâs cul conciert dal Ensemble dell’Arcimboldo. La rassegne inmaneade dal ERT dal F-Vj e de Associazion Mozart Italia e à passât il numar di abonâts e di spetatôrs des edizions dai agns passâts. A sierâ il cartelon di chest an al sarà un conciert di grant valôr culturâl e storic, “Il sun di Mozart”, cuntun grup che si esibìs su struments storics dal Sietcent. (A.I.) – 10.10.2024