‘Musica Cortese’ su lis dôs bandis dal confin

Dopo la polse estive, a tornin i apontaments cun “Musica Cortese”, il festival inmaneât de associazion Dramsam e rivât ae vincjesime edizion. Joibe ai 21 di Setembar, prime dal conciert, al è in program ancje un itinerari vuidât par talian e par sloven, curât di Sabrina Pellizzon di Ecoturismo Fvg, partint di Salcano, in Slovenie, par po rivâ al Lusinç e al borc di S. Maur, di cheste part dal confin. Il conciert di musiche antighe si fasarà, di gnûf, di chê altre part, intal convent de Castagnevize, dulà che l’ensemble Sollazzo (Marie Théoleyre, Filipa Meneses e Anna Danilevskaia) a presentaran, in colaborazion cul festival “Flores Musicae”, il conciert titulât “I fradis vuarps di Bruges”. (A.I.) – 20.09.2023