Musiche classiche cence confins cun cinc ecelencis dal teritori

Cinc ecelencis musicâls dal Friûl-Vignesie Julie; concors internazionâi di riferiment par zovins, artiscj di talent di dut il mont. “Piano Fvg” di Sacîl, il concors “Trio di Trieste”, il “Città di Porcia”, il “Piccolo Violino Magico” di S. Vît dal Tiliment e la associazion corâl gurizane “C. A. Seghizzi” a dan adun ancje chest an lis lôr fuarcis intal cartelon “Quinta giusta” (Cuinte juste), dut intal segn dal progjet cence confins “GO!2025”. Il prin conciert miercus ai 2 tal Teatri “Miela” di Triest: il concors PianoFVG e chel di Purcie a presentin il Conciert n.1 di Šostakovič cun ospits il pianist rus Dmitri Shishkin, il trombetist
Eugenio Valle e il trombonist Ouwejan Tim, acompagnâts de Orchestre de academie di arcs “Arrigoni” di S. Vît dal Tiliment direte di Domenico Mason. La rassegne si sposte sabide ai 12 tal Teatri “Verdi” di Gurize cul dopli conciert de FVG Orchestra, direte di Eddi De Nadai. (A.I.) – 01.10.2024