126
La associazion corâl gurizane “C. A. Seghizzi” e presente la prime edizion di “Ricordando…”, un progjet musicâl par vôs blancjis e zovinis, dedicât chest an al mestri Giancarlo Bini, che par tancj agns al è stât ancje diretôr de corâl Seghizzi e al à dedicât part dal so lavôr compositîf propit al repertori des vôs zovinis. Il fin principâl dal apontament al è chel di promovi il valôr formatîf de musiche e in particolâr de esperience corâl. Ae manifestazion si esibiran diviersis corâls scolastichis di Gurize. La rassegne e tache miercus ai 10 te sale “Incontro” de parochie di S. Roc a Gurize, aes 5.30 dal dopomisdì. (A.I.) – 08.05.2023
