Musiche rock a manete ae fieste dai motârs di Lignan

Edizion numar 37 pe Biker Fest a Lignan, cun atrazions di ogni gjenar e spetacui a compagnâ dut il moviment. La rassegne motoristiche internazionâl, di joibe ai 18 a domenie ai 21, no sarà dome che une grande fieste des dôs ruedis, pal decim secont an consecutîf a Lignan: un puest speciâl al è risiervât ae musiche dal vîf, cun passe 30 concierts di cover band, tribute band, ma ancje di artiscj di prin plan de sene rock tant che Pino Scotto, che al sunarà vinars ai 19 dopo miezegnot e daspò i concierts dai Last Rebel e dai furlans Broken Wings. I concierts a scomencin za joibe ai 18 cul rock dai udinês Rain Vain e dai venits Pulp Maniacs, intant che sabide ai 20 al è ancje un grup dut di feminis, Venusia, e domenie ai 21 si tacarà a sunâ za di buinore. (A.I.) – 17.05.2023