30
E va indevant sul teritori regjonâl la trentesime tierce edizion dal Festival internazionâl di musiche sacre diret di Franco Calabretto e Eddi De Nadai. Sabide ai 26, inte Glesie di Raussêt (aes 8.45 sot sere), il sipari al larà sù su une opare mestre de musiche sacre componude in etât zovine di George F. Händel, “Dixit Dominus”, sunade de Academie di arcs “Arrigoni” e de Corâl “Kairos Vox”, pe direzion di Filippo Maria Bressan. E sarà la ocasion par cjatâ fûr une prove straordenarie di autôr di Händel, precedude dal Conciert par orghin, arcs e tambûr di Francis Poulenc. La jentrade al conciert e je vierte al public sore nuie. Prenotazions in rêt su: musicapordenone.it. (A.I.) – 25.10.2024
