Musichis dal Votcent a “Armonie in Città”

Martars ai 23 di Avost al continue il viaç musicâl di Armonie in Città, ospit de Glesie di Sant Andree di Padier a Udin. Aes 8.45 di sere al sarà il Trio CaNDal a regalâ al public une dediche al repertori dal Votcent, todesc e talian, par flaut, violoncel e piano. Trê artiscj talians di nivel internazionâl – Giuseppe Nese, Marco Dalsass e Pierluigi Camicia, che a àn sunât in dut il mont tai teatris plui cognossûts, ancje tant che soliscj – a mostraran il lôr virtuosisim inte rassegne organizade de Fondazion Luigi Bon. (A.I.) – 22.08.2022