Musichis e peraulis pal ambient

Si intitule “Noi siamo il tempo (Nô o sin il timp)” il conciert spetacul dal Freevoices Show Choir, dedicât al teme de sostignibilitât, joibe ai 20 aes 9 di sere al Teatri Ristori di Cividât. Inmaneât de Gesteco, aziende leader intal setôr de progjetazion e gjestion di soluzions pal ambient, il spetacul al è in favôr de comunitât Il melograno. Il spetacul al vûl mandâ un messaç fuart metintsi adun aes tantis vôs di ducj chei che vuê si batin par une politiche gnove in difese dal ecosisteme. I tescj origjinâi a son di Sergio Sichenze, lis coreografiis di Marco Rigamonti, lis vôs dai atôrs Enrico Cavallero e Paola Aiello, la direzion artistiche di Manuela Marussi. (A.I.) – 19.04.2023