86
La Apple Junior Band di Cles in provincie di Trent e à vinçût il trofeu “Musicup”, cuarte edizion dal concors internazionâl par bandis zovinis. Il premi al è stât assegnât daspò di une zornade di esibizions tal Teatri gnûf “Giovanni da Udine”: undis formazions, cun cuatricent fruts e frutis di dute Italie, ma ancje di Austrie, Slovenie e Gjermanie. La jurie, formade di Franco Arrigoni, Filippo Ledda e Matija Tavčar, e à vût cualchi dificoltât, viodude la cualitât musicâl une vore alte de medie. Il diretôr artistic Fulvio Dose al à pandût une gruesse sodisfazion pal sucès de iniziative che e valorize lis bandis di paîs tant che farie di talents zovins, inmaneade dal cuarp bandistic “Rossini” di Cjasteons di Strade. (A.I.) – 08.04.2024
