Nodale, un conciert ‘in cjase’ dopo il sucès nazionâl

Sabide ai 21 a Soclêf, la associazion culturâl Gianfrancesco da Tolmezzo e inmanee aes 9 sot sere un conciert di Alvise Nodale, cjantautôr nassût a Sudri, influençât di figuris di spic de musiche popolâr furlane. Intal 2024 al à publicât il tierç progjet discografic “Gotes”, prodot di Edoardo De Angelis: dîs tocs acustics e intims che a contin di fragjilitât, dubis, amôrs e torments essenziâi par frontâ il cambiament. Il so percors artistic al à atirât la atenzion a nivel nazionâl talian; di pôc al à vinçût il premi pal miôr test in ocasion dal “Premio Andrea Parodi” e ancje dal “Premio Augusto Daolio” e te sezion musicâl di “Salva la tua lingua locale” (Salve la tô lenghe locâl). (A.I.) – 20.12.2024