Notis cence confins nassudis di tradizions antighis

Pal tierç an consecutîf, il Comun di Bagnarie al ospite une des anteprimis di “Dedica”, il festival di Pordenon che chest an al è dedicât al scritôr olandês iranian Kader Abdolah. L’apontament vinars ai 21 intal salon de Scuele Primarie “Margherita Hack” a ‘Sevean cul recital musicâl “Note senza confini” (Notis cence confins), proponût di Andrea Bitai (vôs, violoncel e eletroniche) e Francesco Clera (struments etnics). Tal centri, contis di feminis, di riviei e di amôrs cualchi volte impussibilis, che a crein un puint jenfri Orient e Ocident cun ritmis indurants e melodiis fofis, che a nassin di tradizions antighis par sbrissâ in libertât di là dai confins. (A.I.) – 19.02.2025