Omaç cu la orchestre a doi grancj artiscj americans

Gnûf apontament cu la grande musiche tal Teatri “Verdi” di Pordenon vinars ai 21. In program un omaç di ecezion aes pagjinis plui celebris e amadis dai cjantants americans Stevie Wonder e Ray Charles, interpretadis des “vôs solistis” dal trombon di Massimo Morganti e dal sax di Federico Mondelci, par une version inedite dai sucès plui grancj e intramontabii dai agns 50-60-70, che e met dongje i arcs e la ritmiche pop. Un tribût ae ereditât musicâl di doi gjenis de musiche, che al va di là dai confins dai gjenars musicâi e al cjape il public intun viaç che al misture funk e pop, jazz e soul, creant sonoritâts ineditis cui doi soliscj, une orchestre e la sezion ritmiche jazz. (A.I.) – 19.02.2025