Pasolini cence censure pe prime volte a Cinemazero

E rive pe prime volte sul grant schermi la version no censurade di “La ricotta” di Pier Paolo Pasolini, martars ai 18 aes 9.30 sot sere, inte arene estive di Cinemazero a Pordenon. La proiezion e je une ocasion speciâl par viodi la uniche copie sorevivude dal cine, propit cemût che le voleve il regjist, prime de censure. La serade e je inmaneade in colaborazion cu la Cineteche Nazionâl e cul Centro Studi Pasolini di Cjasarse, dulà che fint ai 24 di Setembar e sarà vierte la mostre “La ricotta di Pier Paolo Pasolini”. Dopo la proiezion dal curtmetraç, e je previodude chê dal documentari “Le donne di Pasolini”, contât di Giuseppe Battiston. (A.I.) – 17.07.2023