Pasolini e il desideri di tornâ ‘a cjase’

Partî, tornâ, vivi e visâsi. Dute la vite, il pinsîr, la azion politiche e poetiche di Pasolini e je intal gnûf spetacul che al cjape il titul di une frase che al veve scrit a Novella Cantarutti intune letare di Rome intal 1954: “Se o vivarai o scugnarai pûr tornâ”. Di chi il progjet di coproduzion dal Teatri Stabil Furlan e de Societât Operarie di Pordenon pal centenari de nassite dal inteletuâl. Un spetacul che al cjape dentri ancje i zovins, in platee e sul palc. Dopo la anteprime al Auditorium Concordia di Pordenon, la ‘prime’ al ‘Giovanni da Udine’, joibe ai 3 di Novembar. Il test, in talian e furlan, al è firmât di Lisa Moras, Carlo Tolazzi e Tarcisio Mizzau. I atôrs direts di Massimo Somaglino a son Giulia Cosolo, Serena Di Blasio, Alessandro Maione e Carla Manzon, sul palc cul ensemble Orpheus. (A.I.) – 02.11.2022