Passe 3 mil spetatôrs pal “Palio” dai students

Cun passe 3 mil presincis, ben di là de edizion passade, si è sierade domenie ai 26 la cincuantesime tierce edizion dal Palio teatrâl dai students “Città di Udine”, la plui vecje manifestazion di teatri zovin in Italie, puartade indenant cun cûr e determinazion dal Teatro Club Udine. Cuntune medie di cuasi 300 personis par date e ciertis seradis ladis fintremai dutis esauridis, vincjesîs compagniis vuidadis dai coordenadôrs, sot de regjie dal diretôr artistic Paolo Mattotti, a àn cjalcjât il palc dal Palamostre intune maratone che e je lade indevant par 14 seradis. Ancjetantis lis storiis contadis cul impegn e la spontaneitât che dome i zovins a son bogns di regalâ in maniere corâl. (A.I.) – 27.05.2024

Foto di B. Folena