“Piano Fvg”, il conciert dai vincidôrs

Aromai une des competizions plui prestigjosis a nivel mondiâl, e torne a Sacîl il Concors pianistic internazionâl “Piano Fvg”, ideât e diret di Davide Fregona, che al à di simpri l’obietîf di cjatâ pianiscj emergjents di talent e di inviâju a une cariere conciertistiche. La innomine mondiâl dal concors e à sigurât ancje chest an la partecipazion di un grant numar di pianiscj, in dut 41, che a vegnin di ben 11 nazions diviersis, tra i 17 e i 32 agns. Sabide ai 6 il conciert finâl cu lis esibizions dai miôr sîs concorints, i vincidôrs dai premis speciâi previodûts dal concors. (A.I.) – 05.05.2023