Piero Pelù al torne ator tacant di Spilimberc

Dopo passe un an di stop sfuarçât, Piero Pelù al è tornât ae musiche e lu à fat publicant il so gnûf album che si intitule “Deserti”, anticipât dal singul “Novichok”. Al è il secont cjapitul de “Trilogjie dal discomut”, scomençât intal 2020 cu la publicazion dal disc “Pugili fragili”. Il “Deserti Tour” de ex vôs dai Litfiba, acompagnât di une band di super musiciscj cul nestri Max Gelsi al bas, al tache sabide ai 29 di Jugn di Spilimberc, inte aree La Favorita. Il conciert al è dentri dal program dal festival Spililand. (A.I.) – 28.06.2024