68
E rive par cinc seradis intal circuit dal ERT “Pirandello Pulp”, la comedie di Edoardo Erba che e conte une metude in sene cetant particolâr dal “Gioco delle parti” (Il zûc des parts) di Luigi Pirandello. Il spetacul, diret di Gioele Dix, al à par protagoniscj Massimo Dapporto e Fabio Troiano. Si tache domenie ai 16 dal Teatri “Verdi” di Mugle, par dopo movisi martars ai 18 tal Auditorium di Listize, miercus ai 19 tal Teatri “Pasolini” di Cjasarse, joibe ai 20 tal “Modena” di Palme e vinars ai 21 tal Teatri Italie di Pontebe. Il spetacul al è ambientât dilunc des provis dal “Gioco delle parti” di Pirandello e al devente un esempli di metateatri, ambientât intun parc misar di perifarie. (A.I.) – 15.02.2025
Foto di F. Pitto
