Polifoniche Tomadini: une Messe pôc sunade

La Polifoniche Furlane “Jacopo Tomadini” e presente une schirie di concierts ambiziôs che a viodaran la esecuzion di une composizion fate da râr, la “Messa da Requiem in re minore” di Johann Caspar Aiblinger, un compositôr todesc de fin dal secul decim otâf, pôc cognossût, ma di talent straordenari. La opare di ricercje e la trascrizion a son stadis fatis di Massimo Gattullo, che al sarà ancje il diretôr de esecuzion, par puartâ la opare te contemporaneitât, fasintle acessibile al public. La composizion, di grande bielece e intensitât emotive, e rapresente un tesaur scuindût dal repertori sacri. La Polifoniche, ricognossude pal so impegn te riscuvierte e te promozion dal patrimoni musicâl sacri, e sunarà la opare cu la corâl e une orchestre di ecelence: vinars al prin di Novembar intal Domo di Cjaurlis, sabide ai 2 intal Santuari di Madone di Rose a S. Vît dal Tiliment e domenie ai 3 intal Domo di Montreâl. (A.I.) – 31.10.2024