Pordenon capitâl dal “cine dal reâl”

Vincjevot anteprimis talianis, cualchi “prime” mondiâl e europeane, 30 Paîs rapresentâts, doi cine concierts e sîs concierts, dôs retrospetivis internazionâls, desenis di ospits di dut il mont, musiche, laboratoris par fantats, proiezions speciâls. Dut in cinc dîs, dai 2 ai 6 di Avrîl cun “Pordenon Docs Fest – Lis vôs dal documentari”, il festival di Cinemazero che ogni an al puarte in citât il miôr dal cine dal reâl di dut il mont, rivât ae decime otave edizion. Ancje chest an, al centri des contis sul schermi a son lis vueris ma ancje un invît ae culture de pâs, i dirits, la ecologjie, la storie, par cjapâ dentri svariâts fenomens dal dì di vuê traviers il “cine dal reâl”. (A.I.) – 01.04.2025