Premiât il miôr violinist sot dai 13 agns

Domenie ai 9 e je stade la zornade de finâl dal Concors internazionâl “Piccolo violino magico”, inmaneât de Academie di Arcs “Arrigoni” e par zovins talents fint ai 13 agns di etât, che a vegnin di dut il mont. Come simpri, tante int e je rivade li dal Auditorium comunâl di S. Vît dal Tiliment pe part finâl de competizion e par bati lis mans ai zovins concorints. A confrontâsi sul palc de finâl, compagnadis de Fvg Orchestra, a jerin in cuatri: la americane Song Elizabeth, nassude intal 2009, la australiane Jayda Lu, dal 2011, la sudcoreane Kim Yeonah, nassude intal 2014 e chê plui zovine tra ducj i concorints, Imai Mio, nassude intal 2010 in Gjapon: la vincidore dal concors. A jê, a son lâts une borse di studi di 5.000 euros e un preseât violin dal liutâr Piagentini di Lucca, costruît cul peç di risonance des forestis tarvisianis. (A.I.)-10.07.2023