“Ducj a àn une costelazion dal corot là che lis stelis a son personis o muarts par man di ‘Cosa Nostra’, la mafie”. Davide Enia, scritôr, dramaturc, interprete e regjist palermitan, un artist che dal 2024 al è in produzion tal CSS di Udin, al rive vinars ai 28 tal Teatri “Pasolini” di Çarvignan cul so gnûf “Autoritrat”: il risultât di une coproduzion dal CSS cun altris teatris talians impuartants. Il spetacul di Enia, acompagnât de ghitare e de vôs dal musicist Giulio Barocchieri, al è un memoriâl, une orazion civîl, une interogazion linguistiche, un procès di analisi personâl e condividude, e duncje tal stes timp intim e coletîf, che al tache dal 1992, cuant che, 57 dîs dopo il maçalizi di Giovanni Falcone, intune autobombe che e sclope a muerin il judiç Paolo Borsellino e i cinc agjents de sô scorte. (A.I.) – 27.02.2025
Foto di A. Verona
