Ridadis par sierâ il Teatri di Osôf

Ultin apontament de stagjon inmaneade di AnàThema al Teatro della Corte di Osôf, dulà che Debora Villa e presente il so ultin spetacul “20 di risate”, che al racuei il miôr dal so repertori comic. Za protagoniste di tancj programs televisîfs che a àn fat la storie, la atore e fasarà un salt intal passât e po dopo e tornarà al dì di vuê par proietâsi intal avignî, doprant il miôr gjavât dal so repertori: des batudis sul univiers feminin a chês sul gjenar uman, par une ore e mieze di divertiment sclet. (A.I.) – 12.04.2023