Robert Plant, la liende dal rock in regjon

Al è une liende vivente de musiche mondiâl, une des vôs plui bielis de storie dal rock. In cariere, cun ducj i siei progjets, al à vendût passe 300 milions di discs e al è stât metût inte “Rock’n’roll Hall of Fame”. Robert Plant, pionîr dal rock ‘dûr’ cui Led Zeppelin, al sarà sabide ai 26 li de Arena Alpe Adria cul so gnûf progjet Saving Grace: une bande acustiche che e à debutât in Gran Bretagne intal 2019 e che e presente, in version ‘intime’, tocs de tradizion blues e folk, di là di cualchi cerce de storie de sô viele band. (A.I.) – 24.08.2023