San Valentino ‘classic’ al Teatri Palamostre

Trê fradis vienês tignûts adun di une cariere splendide e di une simpatie ricognossude in dut il mont par celebrâ in armonie il dì di San Valentino al Teatri Palamostre. I Amîs de Musiche di Udin, rivâts ae stagjon numar 101, a presentin un gnûf apontament aes 7.22 di sere (o sedi, lis 19.22, tant che l’an di nassite de associazion) cul Jess Trio Wien. A 33 agns dal lôr prin conciert a Udin, i trê vienês, innomenâts in dut il mont pe lôr interpretazion, a presentin un program di musichis di Mozart e Schubert. (A.I.) – 13.02.2023