“San Vito Jazz” al siere cuntun album nassût in Friûl

Si siere sabide ai 29 tal Auditorium Centri Civic di S. Vît dal Tiliment la decime novesime edizion di “San Vito Jazz”. L’ultin apontament dal festival, diret di Flavio Massarutto e prodot dal circuit dal ERT e dal Comun di S. Vît dal Tiliment, al viodarà protagonist Mauro Ottolini e il so progjet plui resint, intitulât “Nada mas fuerte”. Sul palc, di là dal trombonist, Thomas Sinigaglia, Marco Bianchi, Giulio Corini, Valerio Galla, Gaetano Alfonsi e Alfons e il Cuartet di arcs de Orchestre Filarmoniche Taliane cu la vôs di Vanessa Tagliabue Yorke. Ottolini al jere stât za ospit a “San Vito Jazz” inte edizion estive dal 2020 cul progjet “Sea Shell – musiche par capis” e cheste volte al presente un album, regjistrât intai studis Artesuono di Stefano Amerio a Cjavalì, cun tocs di grandis compositoris e interpretis de musiche popolâr di dut il mont. (A.I.) – 28.03.2025