Secont spetacul pe trilogjie teatrâl di ‘GO!2025’

Al torne a lâ sù il sipari sul progjet transfrontalîr “Inabii ae muart/Nezmožni umreti” cu la metude in sene, in prime assolude, di “Alla ricerca della lingua perduta” (Ae ricercje de lenghe pierdude), une produzion SNG Nova Gorica cun coproduzion dal Mittelfest. Al è il secont spetacul de trilogjie ispirade ae opare mestre di Joseph Roth, nassude di une idee di Giacomo Pedini, il diretôr artistic dal Mittelfest, comissionade de Regjon F-Vj e dentri dal program uficiâl di GO!2025. Joibe ai 14 tal teatri SNG di Gnove Gurize si tornaran a zirâ lis pagjinis de storie de Mitteleurope: daspò di “La cripta dei Cappucini” e la fin dal Imperi austroongjarês, cumò la vicende si sburte fint ai agns ’60, dopo la Seconde vuere mondiâl. Il spetacul al conte la storie di doi fradis nassûts in Slovenie che di zovins a vevin cjapât stradis diviersis – un fassist, chel altri partesan – e cumò a vivin suntune spuinde dal confin italosloven. A Setembar dal 2025 il progjet al vignarà completât cul tierç test, ambientât intai agns ’90. (A.I.) – 13.11.2024