Shakespeare a teatri, ma cuntun balet

Il gnûf progjet coreografic di COB-Compagnia Opus Ballet, direte di Rosanna Brocanello, al celebre un dai esponents massims de culture mondiâl, William Shakespeare, intune produzion che e font musiche classiche, dramaturgjie e danze contemporanie. “Sogno di una notte di mezza estate” (Sium di une gnot di mieç Istât) al sarà in sene tal Teatri Comunâl di Cormons, joibe ai 20 in prime regjonâl, in colaborazion cul Ert dal F-Vj. Il progjet al puarte indevant in maniere ideâl il percors di ricercje artistiche che la compagnie e cîr za di agns e che al viôt dialogâ la danze contemporanie cun storiis e musichis classichis. (A.I.) – 19.03.2025