Siet comuns par une stagjon uniche di spetacui

Al tache joibe ai 3 cuntune anteprime il cartelon multidissiplinâr de stagjon di teatri, musiche, teatri pes fameis e opare liriche 2024/2025 de gjestion associade “Noi Cultura e Turismo” dai Comuns di Buri, Cuar di Rosacis, Manzan, Pavie, Pradaman, Premariâs e S. Zuan dal Nadison, inmaneade in colaborazion cul ERT, Ent Regjonâl Teatrâl dal Friûl-Vignesie Julie, e la associazion RiMe MuTe (ricercje, media, musiche, tecnologjie). A saran 36 in dut i apontaments ospitâts intai 7 comuns de gjestion associade: il cartelon di “Passaçs musicâi – Heroes” si vierç intes Scuelis Mediis di Manzan, cu lis “Variazioni Goldberg” di Bach sunadis dal tercet di arcs de Roma Tre Orchestra. Il rest dal program al scomençarà tal mês di Novembar. (A.I.) – 03.10.2024