65
Un dai atôrs plui preseâts de sene taliane contemporanie, Silvio Orlando, al è il protagonist de comedie dute di ridi “Ciarlatani” di Pablo Remón, in program tal Teatri gnûf “Giovanni da Udine” da vinars ai 12 a domenie ai 14 di Avrîl e po dopo li dal “Verdi” di Pordenon ai 15 e ai 16. Sabide ai 13 aes 5.30 dopomisdì, Silvio Orlando e la compagnie dal spetacul a viodaran il public dal Teatron par l’ultin apontament de stagjon di “Casa Teatro”. Interpretât dome di cuatri atôrs, “Ciarlatani” e je une satire divertente sul mont dal teatri, de television e dal cine, ma ancje une riflession sul sucès, sul faliment e sul rûl che o vin, dentri e fûr de finzion. (A.I.) – 11.04.2024
Foto di G. Mencari
