65
Apontament cu la grande musiche sabide ai 23 li dal teatri “Verdi” di Gurize, intal penultin apontament de stagjon artistiche cul cartelon di musiche e balet. Il complès gurizan Arsatelier, che al met adun lis ecelencis dal teritori transfrontalîr, al va indevant cu la interpretazion des grandis oparis de leterature sinfoniche corâl, fasint scoltâ il “Requiem” di Wolfgang Amadeus Mozart, la ultime opare mestre dal grant compositôr austriac. A ornâ la serade, un cuartet di soliscj di innomine internazionâl, pe prime volte al Verdi di Gurize: il mieç sopran Bernarda Fink, il tenôr Steve Davislim, il bas Marco Fink e il sopran Lavinia Bini, ducj direts di Marco Feruglio. (A.I.) – 22.03.2024
