Sîs pianiscj che a fasin balâ

Al va de classiche ae musiche di discoteche dai agns Setante il viaç musicâl di sîs pianos in program vinars ai 17 tal Teatri “Benois De Cecco” di Codroip. “Dancing Pianos”, chest il titul dal conciert, al è un progjet di Piano Hexagon, un grup di sîs pianiscj che a sunin intune sul palc: Matteo Andri, Ilaria Loatelli, Carolina Perez-Tedesco, Francesca Sperandeo, Matteo di Bella e Ferdinando Mussutto. Il program al cjape dentri une rielaborazion dal bal de “furlane”, musichis di Tchaikovsky, Prokofiev e Stravinsky, composizions de famee Strauss e di George Gershwin, ma ancje dai Abba in version dome par pianos. (A.I.) – 16.01.2025