Sîs pianos intun par fâ “balâ”

Teodora Kapinkovska, Ilaria Loatelli, Carolina Perez-Tedesco, Matteo Andri, Mattia Groppello e Ferdinando Mussutto a son Piano Hexagon, un grup di sîs pianiscj che a sunin intun sul palc. I sîs artiscj a saran ospits dal circuit dal ERT, joibe ai 14 li dal Auditorium “Aldo Moro” di Cordenons, intune serade fûr abonament dal titul “Dancing Pianos”. I tocs proponûts a son stâts rangjâts di un repertori larc che al tache dai ritmis di danze dal Sietcent fint ae “disco dance” dai agns Setante dal secul passât, par meti in biele mostre la spetacolaritât de formazion e lis capacitâts tecnichis dai esecutôrs. (A.I.) – 13.12.2023