Spetacui interatîfs par citâts (in)visibilis

Sperimentâl, partecipatîf e interatîf, il festival urban multimediâl “In\Visible Cities”, rivât ae novesime edizion, simpri organizât di Quarantasettazeroquattro, al previôt chest an nûf zornadis di avigniments a Gardiscje, Gurize e Nova Gorica. In dut 38 spetacui, cuntune prime part a Gurize dai 31 di Avost ai 3 di Setembar. Tancj i nons impuartants de sene nazionâl e internazionâl, che a puartaran achì events in prime regjonâl e, in cualchi câs, nazionâl. L’avigniment di prominence al è il conciert dialic cun Max Casacci dai Subsonica e la sienziade Mariasole Bianco, ma al è previodût cetant spazi, come simpri, pai spetacui itinerants e pal progjet “Zero grâts di separazion”, che al consintarà di viodi spetacui teatrâi e di danze creâts e puartâts in sene di artiscj cun disabilitât. (A.I.) – 28.08.2023