Rivadis ae decime edizion, “Le Giornate della luce” (Lis Zornadis de lûs), chest an dal prin ai 9 di Jugn a Spilimberc, a premiin ai 6 di Jugn cul Cuarç di Aur ae cariere il trê voltis premi Oscar Vittorio Storaro. Il festival, ideât di Gloria De Antoni e diret di jê adun cun Donato Guerra, al celebre di agnorums i autôrs de fotografie, i protagoniscj des “Zornadis”, cuntun apontament unic intal panorame talian. Une ocasion di confront sul rûl de fotografie intal cine par condividi esperiencis, progjets e visions. Storaro al è un dai plui grancj autôrs mondiâi, vincidôr di trê premis Oscar cun “Apocalypse Now” di Francis Ford Coppola, “Reds” di Warren Beatty e “L’ultimo imperatore” di Bernardo Bertolucci. (A.I.) – 15.05.2024
Spilimberc al premie la stele dal cine Vittorio Storaro
60