Stanlio & Ollio cu lis musichis dal vîf de Zerorchestra

Un cine conciert speciâl de Zerorchestra tal Teatri Pasolini di Çarvignan al è in program par martars ai 4 cun jentrade gratuite. La orchestre regjonâl formade di grancj musiciscj jazz di chenti – Mirko Cisilino, Juri Dal Dan – piano, Romano Todesco, Luigi Vitale e tancj altris – e compagnarà la vision di “Stanlio & Ollio: mestris de ridade” par une serade inmaneade dal Comun di Çarvignan, in colaborazion cun Cinemazero e Lis Zornadis dal cine mut. La cubie Laurel & Hardy e nas in vie uficiâl intal 1927 in graciis dal produtôr Hal Roach, daspò di une cariere che ju veve viodûts recitâ separâts, di bessôi, cul cine dut di ridi “Putting Pants on Philip” e “Duck Soup”, zirât dome cualchi mês prime. In bande di chescj doi titui, a vignaran presentâts altris doi dai curtmetraçs plui divertents de cubie: “The Second Hundred Years” e “The Finishing Touch”. (A.I.) – 03.03.2025