Stanlio & Ollio, ridadis cu la musiche de Zerorchestra

E sarà la Zerorchestra a sierâ i apontaments di “Cine sot des stelis”, promovûts di Cinemazero a Pordenon vie pal Istât. Vinars ai 23 inte Arene di Larc Sant Zorç al è in program il speciâl cineconciert “Stanlio & Ollio: mestris de ridade”, in colaborazion cu lis “Giornate del cinema muto” (Zornadis dal cine mut). La cubie Laurel & Hardy “e nas” intal 1927, dopo une cariere che in precedence ju veve viodûts recitâ separâts, cul cine dut di ridi “Putting Pants on Philip”, ancje se za in “Duck Soup”, zirât dome cualchi mês prime, il rapuart tra i doi al jere za stât fissât in maniere definitive.  In bande di chescj doi titui a vignaran presentâts altris doi curtmetraçs fra chei plui divertents de cubie, cul acompagnament ancje de orchestre dal liceu musicâl “Marconi” di Conean. (A.I.) – 22.08.2024