13
Dopo il debut simpri dut plen cun Massimo Lopez e Tullio Solenghi, trê teatris dal circuit dal Ert a daran acet al secont apontament de lôr stagjon. A Tumieç, Tisane e Cjasarse e rive “La felicità”, la comedie interpretade di Gianfelice Imparato, che al cure ancje la regjie, e Alessandra D’Ambrosio. Il spetacul al sarà martars ai 19 tal Teatri “Candoni” di Tumieç, miercus ai 20 tal “Odeon” di Tisane e joibe ai 21 tal “Pasolini” di Cjasarse. Il test di Éric Assous, senegjatôr, dramaturc e regjist franc tunisin, vincidôr par dôs voltis dal premi Molière tant che miôr autôr, al è la storie di amôr tra dôs personis no plui zovinis. (A.I.) – 18.11.2024
